కల-నిజం

కల-నిజం 

మూసినా కనురెప్పల వెనుక స్వప్నం 

జీవితంలో ఎన్నడూ చూడని అందమైన రంగులు చూపుతూ 

తీరని కోర్కెలు తీర్చుతూ ఆనందడోలికల్లో ఊయలూగిస్తుంటే 

పరవశాన జారిన ఒక్కో ఆనందబాష్పం ఓ మకరంద బిందువు 

ఆ మకరందాన్నాస్వాదించేలోపే తట్టి లేపిందా వాస్తవం 

నా ఆశల, ఊహల, భావాల, మాటల గొంతునొక్కి,

తెరచిన నా కనులకు సంద్రపు బిందువులనలంకరించి,

మౌనమనే రంగు నా పెదవులకద్ది.

నిజం! భావాలొలికే నా కన్నులు గానీ 

పలికే నా పెదవులు గానీ ఎవరికవసరం?

భావ విహీనమైన నా మోము, అలంకృతమైన నా దేహం 

చాలును కదా మరి వారికి.

*********