Tuesday 21 August 2012
Tuesday 14 August 2012
కల-నిజం
కల-నిజం
మూసినా కనురెప్పల వెనుక స్వప్నం
జీవితంలో ఎన్నడూ చూడని అందమైన రంగులు చూపుతూ
తీరని కోర్కెలు తీర్చుతూ ఆనందడోలికల్లో ఊయలూగిస్తుంటే
పరవశాన జారిన ఒక్కో ఆనందబాష్పం ఓ మకరంద బిందువు
ఆ మకరందాన్నాస్వాదించేలోపే తట్టి లేపిందా వాస్తవం
నా ఆశల, ఊహల, భావాల, మాటల గొంతునొక్కి,
తెరచిన నా కనులకు సంద్రపు బిందువులనలంకరించి,
మౌనమనే రంగు నా పెదవులకద్ది.
నిజం! భావాలొలికే నా కన్నులు గానీ
పలికే నా పెదవులు గానీ ఎవరికవసరం?
భావ విహీనమైన నా మోము, అలంకృతమైన నా దేహం
చాలును కదా మరి వారికి.
*********
Thursday 9 August 2012
బృందావని
బృందావని
తన ప్రతిబింబాన్ని చూడగోరినదై
యమునా తటి పై వంగిన ఆ రాధికను
చెంత చేర్చుకు ఆ నీటి అద్దాన్ని మించిన
అందమైన నిజాన్ని తన కన్నులు చెబుతాయంటుంటే
సిగ్గుతెరలు తొలగించుకుని ఆ కొంటె వాని కన్నులలోకి చూచినా రాధిక
తన్మయత్వమున తనను చూచుకొనుట మరచె
ఆ నల్లవాని రూపమును తనివితీరా చూస్తున్న ఆ తన్మయిని
మోహావేశమున చూస్తూ మైమరచినాడా మాధవుడు
అంత తన్మయులైనా రాధామాధవుల జూచి ధన్యత నొందెనా బృందావని.
యమునా తటి పై వంగిన ఆ రాధికను
చెంత చేర్చుకు ఆ నీటి అద్దాన్ని మించిన
అందమైన నిజాన్ని తన కన్నులు చెబుతాయంటుంటే
సిగ్గుతెరలు తొలగించుకుని ఆ కొంటె వాని కన్నులలోకి చూచినా రాధిక
తన్మయత్వమున తనను చూచుకొనుట మరచె
ఆ నల్లవాని రూపమును తనివితీరా చూస్తున్న ఆ తన్మయిని
మోహావేశమున చూస్తూ మైమరచినాడా మాధవుడు
అంత తన్మయులైనా రాధామాధవుల జూచి ధన్యత నొందెనా బృందావని.
***********
Thursday 2 August 2012
రెక్కలు తొడిగిన పసితనం
రెక్కలు తొడిగిన పసితనం
నా పసితనమంతటి అమాయకత్వం
నా బోసినవ్వంతటి స్వచ్ఛత
నా ఆటలాంటి ఆనందం
నా పాటలంత మాధుర్యం
నా మనసంతటి సున్నితత్వం
నా అంతటి అందం
నా అల్లరంత సంతోషం
మరెక్కడైనా ఉందేమోనని
రెక్కలు కట్టుకుని మరీ వెతికాను
కానీ ఎక్కడా..........
అందుకే మా బాల్యాన్ని చిదిమేయద్దు
మాకు మా ఆట పాట దూరం చేయద్దు.
**********
Subscribe to:
Posts (Atom)