నిరీక్షణ

నిరీక్షణ

ఆ కారుమేఘం కనులనిండా ఇంత నీరు నింపి పోయింది 

తొలకరికేనాడూ నే పులకరించలేదనేమో

ఆ చల్లగాలి ఒళ్లంతా ముళ్ళు గుచ్చి పోయింది 

ఆసాంతం తాకి పలకరించినా నే తనకేనాడూ బదులీయలేదనేమో

ఆ సుమ సుగంధాలు మనసుని మరింత బరువెక్కించాయి 

చెంత చేరిన పరిమళాన్ని నే నేనాడు ఆస్వాదించలేదనేమో

ఆ వెన్నెల నను నిలువనీయడం లేదు 

క్షణమైనా నే నేనాడు తన ఝరిలో తడవలేదనేమో

 

తెలియక చేసిన తప్పులని నను మన్నించక 

ఇంత కక్ష నా పై న్యాయమా

ఓ ప్రకృతి శ్రావణానికై నిరీక్షించే నను 

ఇకనైనా కనికరించవా .

*******